呢套劇呢場戲，應該算係我第一次拍動作戲。

兒時偶像繼李小龍之後，最尊敬同中意嘅...

呢套劇呢場戲，應該算係我第一次拍動作戲。

兒時偶像繼李小龍之後，最尊敬同中意嘅武打演員就係李連杰，每次翻睇完佢哋嘅戲，就會喺自己沖涼果陣，淋住花灑扮佢哋。而小弟阿爸又係好中意睇動作戲，好耐之前都有同我講，叫我拍下打戲先得先好睇架嘛。

嗱，阿爸，我拍咗喇。

完咗呢套劇之後兩個月，有部電影有個角色就係要我打嘅。我規劃唔叻，但唔知其實係咪上天俾我嘅一個sign，叫我可以向武打演員呢方面進發呢？

睇嚟可以諗諗，但首先我要拉鬆啲筋先⋯我啲筋硬過鋼緊過鐵，拉住諗，諗住拉⋯

#無限斜棟有限公司
ViuTV

---